今晚大乖仔與乖家嫂回來食晚飯,
而細乖仔又忙著同女仔去街拍拖,沒有在家裡食飯.
我們食完飯之後,
嘻嘻...嘻嘻...娶咗老婆仔的大乖仔又真係唔同晒喎,
佢入到打完扙嘅廚房,話咁快速,
好快手就咁樣洗乾淨晒 d 碗碟了.
然後才和老婆仔拍拖返回他們的家,呵呵...真乖仔.
哈哈...因為我每次煮完飯,個廚房一定攪到亂晒,
十足打仗咁樣,我洗碗最少都要半個鐘頭時間,
多數都要用大半個鐘頭至攪掂洗碗.
不知道甚麼時候開始我好鬼怕洗碗啊.
以前父親對我說過,有得食先至有碗碟洗呀,應該開心呀.
如果冇得食那裡有碗碟洗呀,
窮困到冇飯食的時候,那時想洗碗都冇得洗呀.
他當然說得對,以前也聽過母親說他們初來香港時的窮困日子,
怎樣禍不單行,父親一個人怎樣勤勞打工,受到老板讚賞,
後來又怎樣捱到白手興家,真的由冇變有,
哎呀...哎呀...忽然又來想當年.....想起父親許多的辛勞歷史
由我有記憶的開始寫,有排寫..........還是暫時收筆吧.
